Eatizen members get 15% off, non-members get 12% off Father's Day cakes.

【父親節蛋糕攻略🍰美心西餅「Big Boy 大個佬」系列，七款話題新作向爸爸致敬👨🏻！】 細個以為爸爸淨係識返工、睇馬、睇波同鬧你唔熄燈😌 大個先發現，原來每個爸爸心入面，都仲有個鍾意玩、為食、愛講笑嘅「大男孩」😬！每個男人心底，都住著一個 Big Boy👦🏻！今個父親節， 美心西餅推出全新「Big Boy 大個佬」父親節系列，以「飲食篇」、「玩樂篇」同「品味篇」神還原爸爸最真實一面🤗！每款蛋糕都玩味十足，仲充滿港式情懷，睇到已經忍唔住想影相打卡💯！ 🍚 爸爸的味道 —飲食篇 豆腐火腩飯：簡直係「男人嘅浪漫」！蛋糕外觀神還原香港經典名菜「豆腐火腩飯」🍛，連器皿都充滿茶餐廳風味，造型逼真，本土情懷爆燈，打卡必備！ 出前一丁餐蛋麵：代表爸爸由細食到大嘅情懷。蛋糕完美化身成港式茶記經典「出前一丁麵」🍜，一出場全場驚呼，趣味話題滿分！ ⚽ 爸爸的興趣 — 玩樂篇 港足爸爸：致敬爸爸永不熄滅嘅「足球魂」⚽。面層鋪滿紅絲絨蛋糕碎，神還原港隊經典紅色波衫，一眼擊中球迷爸爸嘅心！仲可加$120換購「港隊勁揪打氣毛巾」一條🙌🏻。 馬運高昇：賽馬場景蛋糕舖滿雜果，配上騎師策馬奔騰裝飾同勝利拱門紙牌，寓意爸爸好運連連👍🏻！ 🎩 爸爸的型格 —品味篇 菲林回憶：蛋糕外圍用「菲林底片」造型包裝🎞️，最特別係可以放入真實相片！揀張家庭合照或與爸爸嘅甜蜜互動，一邊切蛋糕一邊回味珍貴 Moment 🖼️！ 開心果爸爸：頂層綴以優雅小高帽同俏皮黑色鬍鬚，祝爸爸型到老🤵🏻！內層有開心果吉士忌廉，仲加入白朱古力片同杏仁薄脆醬，柔軟忌廉配上極致酥脆，口感驚喜💚！ 梳乎爸爸：象徵爸爸外表堅定如山，內心如雲朵般柔軟😚。梳乎厘蛋糕質感輕盈，寓意爸爸能夠放下壓力，日日都咁梳乎😚～ 📢 早鳥優惠 由 5月26日起至6月18日，美心西餅推出限時父親節早鳥優惠🎉： Eatizen會員預訂專享 85折、非會員預訂可享 88折🈹。快啲行動，為爸爸準備一份甜蜜驚喜，同呢個家中 Big Boy好好慶祝啦💪！ #美心西餅 #MaximsCakes #父親節蛋糕系列 #父親節蛋糕 #BigBoy大個佬